Дзень у гісторыі
1531 — Слонім атрымаў Магдэбурскае права ад вялікага князя Жыгімонта Старога.
1606 — у Магілёве пачалося мяшчанскае паўстаньне пад кіраўніцтвам Стахора Мітковіча. Месьцічы й рамесьнікі занялі ратушу. Паўстанцы абралі новую гарадзкую раду, якая кіравала ажно 2 гады.
1948 — адкрылася для наведнікаў філія Літаратурнага музэю Янкі Купалы ў Вязынцы.
Помнік Янку Купалу ў Вязынцы
2000 — заснаваная інтэрнэт-бібліятэка Kamunikat.org.
ГЛЯДЗІЦЕ ТАКСАМА: «Наш асноўны чытач і слухач застаецца ў Беларусі». Размова з кіраўніком бібліятэкі «Камунікат»У гэты дзень нарадзіліся
1566 — Жыгімонт Ваза, вялікі князь літоўскі і кароль польскі, кароль швэдзкі. Зацьвердзіў Статут ВКЛ, падтрымаў царкоўную вунію, штурхануў нашых продкаў на дзьве інтэрвэнцыі ў Маскоўскае княства, у выніку якіх на два гады ў расейцаў была адабраная Масква і ў абшары Вялікага княства быў вернуты Смаленск.
Жыгімонт Ваза
1740 — Юзэф Сангушка, дзяржаўны і вайсковы дзяяч Вялікага Княства Літоўскага. На сойме 1767–1768 гадоў абвясьціў «Праект рэформы ўраду», які прадугледжваў прыняцьце адзінага кодэксу права для ўсёй Рэчы Паспалітай. Падпісаў акт Кардынальных правоў.
1843 — Фёдар Стравінскі, опэрны сьпявак, бас, бацька кампазытара Ігара Стравінскага. Нарадзіўся ў Новым Двары Рэчыцкага павету.
1899 — Андрэй Бурдзейка, гісторык права ў ВКЛ, ахвяра сталінізму.
1908 — Уладзімер Галубовіч, беларускі і польскі археоляг.
1925 — Янка Сурвіла, грамадзкі дзяяч на эміграцыі, у 1958–1965 арганізатар і вядоўца беларускіх радыёпраграмаў Гішпанскага радыё.
Янка Сурвіла за падрыхтоўкай беларускай праграмы на нацыянальным радыё Гішпаніі, 1958
1928 — Гаўрыла Вашчанка, жывапісец, народны мастак Беларусі.
Гаўрыла Вашчанка
1934 — Юры Візбар, савецкі кінаактор, журналіст, бард, адзін з пачынальнікаў савецкай аўтарскай песьні.
Юры Візбар
1939 — Валеры Раеўскі, беларускі тэатральны рэжысэр, на працягу 35 гадоў быў галоўным рэжысэрам і мастацкім кіраўніком Нацыянальнага акадэмічнага тэатру імя Янкі Купалы.
Валеры Раеўскі
1963 — Сяргей Кавалёў, драматург і літаратуразнаўца.
У памяці
1964 — Пётра Сыч, пісьменьнік, журналіст, вязень ГУЛАГу, супрацоўнік Беларускай службы Радыё Свабода.
Першыя журналісты Беларускай службы Радыё Свабода: (зьлева направа) Сымон Кабыш, Пётра Сыч, Лявон Карась, Вінцэнт Жук-Грышкевіч
2008 — Мацей Смаршчок, доктар мэдыцыны, паэт, культурны і грамадзкі дзяяч.